काठमाडौं । अबको ६ महिना बलिउडका लागि आशाले भरिएको छ । यहाँ क्रिसमससम्म १७ ठूला फिल्म रिलिज हुँदैछन्, जसबाट विज्ञहरूले २५ सय करोडको व्यापार गर्ने अनुमान गरेका छन् । यो अवधिमा लगभग सबै ठूला स्टारका फिल्म छन् । जुलाईमा ‘रकी र रानी की प्रेम कहानी’ रिलिजबाट सुरु हुने यो श्रृङ्खला राजकुमार हिरानी र शाहरुख खानको फिल्म ‘डांकी’ सम्म चल्ने छ ।

यो अवधिमा बलिउडमा दुई ठूला भिडन्त हुनेछन् । एउटा अगस्ट ११ गते र अर्को डिसेम्बर १ मा। ११ अगस्टमा सनी देओलको ‘गदर–२’ र अक्षय कुमारको ‘ओह माई गॉड–२’ भिड्दैछन् ।

त्यस्तै डिसेम्बर १ मा रणवीर कपूरको ‘एनिमल’, विक्की कौशलको ‘साम बहादुर’ र मल्टिस्टारर ‘फुक्रे ३’ भिड्दैछन् । विज्ञहरुलाई विश्वास गर्ने हो भने यो ६ महिना बलिउडका लागि रिकभरीको समय हुन सक्छ ।

२०२३ को छ महिना बितिसक्यो। पछिल्ला ६ महिनामा बलिउडका करिब १५ फिल्म थिएटरमा रिलिज भएका थिए, जसमध्ये ७ फिल्मले मात्रै १०० करोडभन्दा बढीको विश्वव्यापी कलेक्सन गरेका छन्। ‘आदिपुरुषुजस्ता ठूला फिल्महरू फ्लप भए पनि ‘द केरला स्टोरी’ र ‘जरा हटके जरा बचकेुले आफ्नो संग्रह र प्रदर्शनले सबैलाई चकित पारे। ‘

पठान’ ले सोचेभन्दा १ हजार करोड बढी कमाएको छ । ‘द केरला स्टोरी’ को सफलता पनि ठूलो थियो। ‘तू झुठी मै मक्कर’, ‘जरा हटके जरा बचाके’ जस्ता फिल्मले बक्स अफिसमा राम्रो व्यापार गरेका थिए ।