काठमाडौँ । नेपालविरुद्ध भइरहेको खेलमा आयरल्याण्डले दोस्रो सफलता हात पारेको छ । आईसीसी एकदिवसीय विश्वकप छनोट प्रतियोगिता अन्तर्गत भइरहेका प्लेअफ चरणको खेलमा नेपालले दुई विकेट गुमाएको छ ।

नेपालका ओपनर ब्याट्सम्यान कुशल भुर्तेल आठ रन बनाएर आउट भए । उनको विकेट क्रेग योङले लिए । भुर्तेल आउट भएपछि क्रिजमा आएका ज्ञानेन्द्र मल्ल पनि आउट भएका छन् । मल्ल १३ बलमा ७ रन बनाएर आउट भए । अहिले क्रिजमा रोहित पौडेल आएका छन् ।

टस हारेर पहिला ब्याटिङ गरिरहेको नेपालले आयरल्यान्डसँग पहिलो पटक एकदिवसीय अन्तर्राष्ट्रिय प्रतियोगिता खेलेको हो । नेपाल र आयरल्यान्डबीचको खेलमा विजयी हुने टोलीले प्रतियोगितामा सातौँ वरीयता प्राप्त गर्नेछ । यसैगरी खेलमा पराजित हुने टोलीले भने आठौँ वरीयता पाउने छ ।

नवौँ र १०औँ वरीयताका लागि आगामी बिहीबार अमेरिका र संयुक्त अरब इमिरेट्स (यूएई) बीच खेल हुनेछ । खेलमा विजयी हुने टोलीले नवौँ वरीयता प्राप्त गर्नेछ । पराजित हुने टोलीले १०औँ वरीयता पाउने छ ।