काठमाडौँ । मकवानपुर प्रहरीले करिब ४७ लाख रुपैयाँ बराबरको अवैध सुनसहित एक जनालाई पक्राउ गरेको छ ।

पक्राउ पर्नेमा वीरगञ्ज महानगर १ का ३५ वर्षीय प्रभु साह सोनार रहेको मकवानपुर जिल्ला प्रहरीले जनाएको छ । उनको साथबाट ४८९ ग्राम ३७ मिलिग्राम सुन बरामद गरिएको हो ।

सोनार ना १ ज ७४९० नम्बरको सुमोमा काठमाडौँबाट वीरगञ्जतर्फ जाँदै थिए । प्रहरीले सोनारले बोकेको झोला तलासीको क्रममा भन्सार छली ल्याएको सुन फेला पारेको हो । सुनको बजार मूल्य ४७ लाख ३६ हजार ७५९ रुपैयाँ रहेको छ ।