काठमाडौं । मेडिकल ब्यवसायी दुर्गा प्रसाई देखि राष्ट्रिय स्वतन्त्र पार्टीका उपसभापति तथा सांसद डोलप्रसाद अर्याललाई धम्काउने सम्मका ब्यक्ति प्रहरीको फन्दामा परेका छन् । प्रसाई र अर्याललाई धम्काउनेलाई प्रहरीले पक्राउ गरेको छ ।

ब्यवसायी प्रसाईलाई करोडौं पैसा माग गरेर धम्काउनेलाई केन्द्रीय अनुसन्धान ब्यूरो (सीआईबी) ले पक्राउ गरेको छ । त्यस्तै, रास्वपाका उपसभापति अर्याललाई म्यासेजमार्फत धम्काउनेलाई भने उपत्यका प्रहरी कार्यालयबाट खटिएका प्रहरीले पक्राउ गरेको हो ।

रास्वपा उपसभापति अर्याललाई असार १९ गते राती १ बजेर २६ मिनेटमा म्यासेज पठाई धम्की दिएका खोटाङको निर्मली डाँडा(३ मा जन्मिएका विजय कालिकोटेलाई प्रहरीले काठमाडौंको कपनबाट पक्राउ गरेको हो ।

आफुमाथी धम्की आएपछि रास्वपा उपसभापति अर्यालले प्रहरीमा मौखिक उजुरी दिएका थिए । त्यही आधारमा प्रहरीले अनुसन्धान थालेको थियो ।

त्यसपछि प्रहरीले कपनबाट आरोपित विजय कालिकोटेलाई पक्राउ गरेको हो । उनी स्काईनेपाल न्यूज डटकमका अध्यक्ष सञ्चालक पनि हुन् ।