काठमाडौँ । नक्कली पेस्तोल देखाएर सर्वसधारणलाई त्रास देखाउँदै हिँडिरहेका दुई जनालाई प्रहरीले पक्राउ गरेको छ ।

मोटरसाइकल चढेर आएका व्यक्तिहरूले पेस्तोल देखाएर सर्वसधारणलाई त्रास देखाइरहेको सूचना पाउनासाथ धनुषा प्रहरीले दुई जनालाई पक्राउ गरेको हो ।

पक्राउ पर्नेको नाम र ठेगाना प्रहरीले सार्वजनिक गरेको छैन् । उनी दुवै जना १६ वर्षको रहेका छन् । उनीहरूको साथबाट बरामद भएको पेस्तोल नक्कली रहेको प्रहरीले जनाएको छ ।