काठमाडौँ । ककनी गाउँपालिकाले फोहोरमैला ढुवानी गर्ने सवारी साधनबाट शुल्क नलिने भएको छ ।

नगर पालिकाका अध्यक्ष सुमन तामाङले मंगलबार विज्ञप्ति जारी गर्दै सर्वोच्च अदालतले तत्कालको लागि शुल्क नलिन अन्तरिम आदेश जारी गरेकाले त्यो मुद्दा अन्तिम किनारा नलागेसम्म फोहोरमैला ढुवानी गर्ने सवारी साधनबाट शुल्क नलिने निर्णय भएको जानकारी दिएका छन् ।

अध्यक्ष तामाङले ककनी गाउँपालिका, काठमाडौँ महानगरपालिकालगायत २३ स्थानीय तहसँगको बैठकमा प्रधानमन्त्री पुष्पकमल दाहालले गत जेठक २१ गते सिसडोल बञ्चरेडाँडामा देखिएको फोहोर व्यवस्थापनको समस्या समाधान गर्न दिएको निर्देशन सहरी विकास मन्त्रालयले पालना नगरेको विज्ञप्तिमा उल्लेख गरेका छन् ।

उनले मन्त्रालयलाई प्रधानमन्त्री दाहालले दिएको निर्देशन कार्यान्वयन गर्न पनि आग्रह गरेका छन् ।

यस्तो छ गाउँपालिकाको विज्ञप्ति