झापा । जिल्लाको मेचीनगर नगरपालिका १ कृष्णथुम्कि इलाकाबाट सशस्त्र प्रहरीले करिब ३१ लाख रुपैयाँ बराबरको सालको गोलिया काठसहित दुई वटा ट्याक्टर नियन्त्रणमा लिएको छ ।

विशेष सूचनाको आधारमा नम्बर २ गण झापाले मे १ त ७२०० र मे १ त ५३४५ नम्बरको काठसहितको ट्याक्टर नियन्त्रणमा लिएको हो ।

ट्याक्टरमा राखेर अवैध रुपले लैजाँदै गरेको २ सय ९६.७७ क्यूफिट, १ सय ६ वटा काँचो गोलिया काठ नियन्त्रणमा लिइएको हो ।

काठ ल्याउने व्यक्तिहरू सशस्त्र प्रहरीलाई देख्नासाथै ट्याक्टर र काठ छाडेर भागेका थिए । बरामद काठ र दुई वटै ट्याक्टर डिभिजन बन कार्यालय चन्द्रगढी झापामा बुझाइएको छ ।