काठमाडौं । कोशी प्रदेश सरकार गठनसम्बन्धी विवादको फैसला सर्वोच्च अदालतको पूर्ण इजलाशले बिहीबार मात्रै गर्ने भएको छ ।

न्यायाधीहरु ईश्वरप्रसाद खतिवडा, आनन्दमोहन भट्टराई र तिलप्रसाद श्रेष्ठको पूर्ण इजलासमा अन्तिम सुनुवाइ सकिए पनि फैसला लेखन र अध्ययन गर्न समय अपुग भएपछि बिहीबार फैसला सुनाउने गरि बुधबारका लागि हेर्दाहेर्दैमा राखिएको हो ।

निवर्तमान मुख्यमन्त्री तथा नेकपा एमाले प्रदेश संसदीय दलका नेता हिक्मत कार्कीले कोशी प्रदेश सरकार गठन गैरसंवैधानिक भएको भन्दै रिट दायर गरेका थिए । प्रदेश सभाका सभामुख बाबुराम गौतम समेतको हस्ताक्षर संलग्न गर्नु कानुनविपरीत भएको तक उनले रिटमा गरेका थिए ।

सभामुख गौतमले समेत हस्ताक्षर गरेर नेपाली कांग्रेसका नेता उद्धव थापाको नेतृत्वमा सरकार गठन भएपछि कार्कीले सर्वोच्चमा रिट दायर गरेका थिए ।

कार्कीले दायर गरेको रिटमा सभामुखकोसमेत सहभागितामा सरकार गठन गरिनु संविधान विपरीत भएको दाबी गरिएको छ। रिटमा सरकार गठनको निर्णय बदर गर्न माग गरिएको छ।