काठमाडौँ । नेपाली कांग्रेसको अर्को केन्द्रीय कार्यसमिति बैठक आगामी असोज २ गते बस्ने भएको छ । साउन २ गतेबाट सुरु भएको केन्द्रीय कार्यसमिति बैठक समाप्त भएको घोषणा गर्दै सभापति शेरबहादुर देउवाले अर्को बैठक असोज दुई गते बताएका हुन् ।

कांग्रेसले पार्टी केन्द्रीय समिति बैठक प्रत्येक २–२ महिनामा बस्ने निर्णय गरेको थियो । तर, त्यो निर्णय कार्यान्वयन नगरी देउवाले एक वर्षमा बैठक बसालेका थिए ।

अर्को बैठक भने दुई महिनामै बस्ने गरी असोज २ गते बोलाएका हुन् ।

कांग्रेसले मंसिर ११, १२ र १३ गते महासमिति बैठक बस्ने निर्णय पनि गरेको छ । नीति महाधिवेशनको सट्टा महासमिति बैठक बसाल्ने निर्णय गरेको हो ।