काठमाडौँ । त्रिभुवन अन्तर्राष्ट्रिय विमानस्थलबाट अवैध सुनसहित भारतीय नागरिक पक्राउ परेका छन् । ५८ ग्राम सुनसहित प्रहरीले भारतीय नागरिक ३० वर्षीय इमरान सिराज बिहीबार पक्राउ परेका हुन् ।

उनी हिमालय एयरलाइन्सको विमानमार्फत कतारको दोहाबाट आएका हुन् । विमानस्थलमा जाँचका क्रममा प्रहरीले अवैध सुन फेला पारेको हो ।

सुनसहित पक्राउ परेका सिराजलाई थप अनुसन्धानका लागि विमानस्थल भन्सारमा बुझाइएको प्रहरीले जनाएको छ । यसअघि एक क्वीन्टल सुन राजस्व अनुसन्धानको टोलीले बरामद गरेको थियो । सो प्रकरणको अनुसन्धान अहिले जारी छ । यस प्रकरणमा २२ जना पक्राउ परिसकेका छन् ।