काठमाडौं । राष्ट्रिय परीक्षा बोर्डलेलिएको यस वर्षको कक्षा १२ को परीक्षामा ५१.९१ प्रतिशत विद्यार्थी पास भएका छन् ।

बोर्डले आज सार्वजनिक गरेको नतिजामा ५१.९१ प्रतिशत मात्र ग्रेडेड (उतीर्ण) भए । ४९.०९ प्रतिशत विद्यार्थी नन ग्रेडेड भएको उल्लेख छ ।

गत वैशाख २६ गतेदेखि जेठ ५ गते सञ्चालित परीक्षाको नतिजा मंगलबार सार्वजनिक गरिएको हो । नियमित र ग्रेडवृद्धि गरी ४ लाख ४८ हजार विद्यार्थी परीक्षामा सहभागी भएका थिए ।

अहिलेको नतिजा गत वर्षमा भन्दा ३ प्रतिशतले सुधार भएको बोर्डले बताएको छ ।

राष्ट्रिय परीक्षा बोर्डले ३५ प्रतिशत भन्दा कम अंक ल्याउनेलाई नन ग्रेडेडमा राख्दै आएको छ । उनीहरुले माथिल्लो तह अध्ययन गर्न पुनः ग्रेडवृद्धिको परीक्षा दिनुपर्छ ।

बोर्डले ५१ जना परिक्षार्थीको परीक्षा रद्द भएको जनाएको छ ।

कक्षा १२ को परीक्षाफल बोर्डको आफ्नै वेबसाइड र नेपाल टेलिकमको विभिन्न प्लेटफर्मबाट थाहा पाउन सकिने व्यवस्था गरेको छ।

बोर्डका अनुसार नतिजा राष्ट्रिय परीक्षा बोर्डको वेबसाइट र नेपाल टेलिकमको वेबसाइटमा गएर हेर्न सकिन्छ।

त्यसैगरी एसएमएसबाट पनि नतिजा हेर्न सकिने छ। त्यसका लागि लभद लेखेर एक स्पेस दिई आफ्नो सिम्बोल नम्बर टाइप गरी १६०० मा र नेपाल टेलिकमको १६०१ मा एसएमएस पठाएर पनि हेर्न सकिने छ।