चितवन । आफ्नो लिंग काटेर अस्पताल गएका मकवानपुरका एक युवकले बिच्छीले टोकेपछि शरीरमा विष फैलिने डरले काटेर फालेको बताएका छन् ।

मकवानपुरको मकवानपुरगढी गाउँपालिकाका २२ वर्षीय युवकले बुधबार शौचालयमा बिच्छीले लिंगमा टोकेको र विष फैलिएर मरिन्छ कि भन्ने भनेर लिंग काटेको बताएका हुन् ।

बुधबार राति करिब १० बजेतिर घाइते भएका उनी करिब दुई घण्टापछि उपचारका लागि हेटौंडा अस्पताल पुगेका थिए। हेटौंडा अस्पतालले थप उपचारका लागि भरतपुर पठाएको थियो । उनको अहिले भरतपुरस्थित पुरानो चितवन मेडिकल कलेजमा उपचार भैरहेको छ ।

प्रहरीका अनुसार उनी फुलबारी होटल एण्ड लजको १ नम्बर कोठामा एक्लै बसेका थिए।