काठमाडौं । नेपाली क्रिकेटर सन्दीप लामिछानेले एसिया कप खेल्नका लागि आफु फिट रहेको बताएका छन् । एसिया कप खेल्नका लागि आज पाकिस्तान प्रस्थान गर्नु अघि सन्दीपले आफु खेल्नकै लागि जन्मिएको र खेलका लागि फिट रहेको प्रतिक्रिया दिएका हुन् ।

लामिछाने आज बिहान कतार एयरवेजको जाहाजबाट एसियाकप खेलनका लागि पाकिस्तान जाँदैछन् । नेपाली क्रिक्रेटका अन्य टोली भने पाकिस्तान पुगिसकेको छ । उनको भने नाबालिका बलत्कारको अभियोगमा चलिरहेको मुद्दाको आइतबार सुनुवाई रहेकोले पाकिस्तान यात्रा रोकिएको थियो ।

आइतबार उनको मुद्दा हेर्न नभ्याइनेमा रहेको रअ र्काे पेशी भदौं २० मा मात्र रहेकोले लामिछाने आज एसिया कप खेल्नका लागि पाकिस्तान प्रस्थान गरेका हुन् । उनलाई विदाई गर्न राष्ट्रिय खेलकुद परिषद्का सदस्य सचिव टंकलाल घिसिङ आफैं विमानस्थल पुगेका थिए । सन्दीप गएसँगै नेपाली टिम पूर्ण हुने उनको विश्वास छ ।