काठमाडौं । पाँच नेपाली क्रिकेटर अस्ट्रेलियाको क्रिकेट लिग प्रतियोगिता बिगबास (बीबीएल)को ड्राफ्टमा पर्न सफल भएका छन् ।

अस्ट्रेलियाली क्रिकेट संघले सोमबार ड्राफ्टमा परेका २९ देशका ३७६ खेलाडीको लिस्ट सार्वजनिक गरेको हो । जसमा नेपालका सन्दीप लामिछाने, आरिफ शेख, आसिफ शेख, अर्जुन साउद र देव खनाल परेका छन् ।

ड्राफ्टबाट नियमित खेलाडीको सूचीमा परेका उनीहरुले आगामी सिजन २०२३–२४ को बीबीएल खेलमा सहभागी हुन पाउने छन् ।

बीबीएलको ड्राफ्टमा परेका सन्दीप, आरिफ, आसिफ र अर्जुन नेपाली राष्ट्रिय टीमका सदस्य हुन् । उनीहरु अहिले एसियाकप खेल्न पाकिस्तानमा छन् । देव खनाल यू–१९ राष्ट्रिय टीमका कप्तान हुन् ।

डिसेम्बर ७ देखि सुरु हुने बीबीएल लिगमा नेपालबाट सन्दीप लामिछानेले मात्रै खेलेका छन् ।