काठमाडौँ । नेपाल आर्थिक पत्रकार समाज (सेजन)को अध्यक्षमा सुजन वली निर्वाचित भएका छन् ।

सेजनको आज सप्पन्न २५औँ वार्षिक साधारणसभा तथा अधिवेशनबाट वलीको नेतृत्वमा नयाँ कार्यसमिति निर्वाचित भएको हो ।

अध्यक्ष ओलीले ९९ मत ल्याएका थिए । उनका प्रतिद्वन्द्वी सिरोमनि ढुङ्गानाले ९६ मत ल्याएका थिए । सेजनको उपाध्यक्षमा विनय बन्जरा निर्वाचित भए । सेजनको महासचिवमा विश्वास रेग्मी यसअघि नै निर्विरोध निर्वाचित भएका थिए । सचिवमा सोभित थपलिया र कोषध्यमा अच्युत पुरी निर्वाचित भए ।

सदस्यमा केशु लामिछाने, हेमन्तराज जोशी, वसन्तराज उप्रेती, ममता थापा र छवि सापकोटा निर्वाचित भए । निर्वाचनमा कुल दुई सय ७१ मतमध्ये दुई सय ५२ मत खसेको थियो ।