काठमाडौं । काठमाडौं महानगरपालिका वडानम्बर १६ का वडाध्यक्ष एवम् क्षेत्र नम्बर ७ का नेपाली कांग्रेसका सभापति मुकुन्द रिजालको निधन भाइरल निमोनियाबाट भएको चिकित्सकले बताएका छन् ।

अस्पतालका मेडिकल निर्देशक डा विनोद बिजुक्छेले आज एक विज्ञपीत जारी गर्दै यस्तो बताएका हुन् ।

वडाध्यक्ष रिजालको आज बिहान ७ः३० बजे उपचारका क्रममा निधन भएको अस्पतालले जनाएको छ ।

सुरुमा श्वासप्रश्वासको समस्या देखिए पनि पछि उनमा रगतको संक्रमण र मिर्गौलामा पनि असर परेको चिकित्सकहरुले बताएका छन् ।

यसअघि रिजालको डेंगु संक्रमणबाट निधन भएको खबर आएको थियो । अहिले अस्पतालको आधिकारिक धारणा आएको हो ।