काठमाडौं । नेपाल र चीनबीच टोखा-छहरे सुरुङ मार्गको सम्भाव्यता अध्ययनलाई तीव्रता दिन समझदारी बनेको छ ।

प्रधानमन्त्री पुष्पकमल दाहाल प्रचण्डको चीन भ्रमणका क्रममा भएका उच्चस्तरीय भेटवार्तामा त्यस्तो समझदारी बनेको हो । समझदारी पछि दुवै देशले संयुक्त रुपमा अजा बिहान जारी गरेको बक्तब्यमा त्यस्तो कुरा उल्लेख छ । टोखा-छहरे सुरुङ मार्गको सम्भाव्यता अध्ययनलाई तीव्रता दिन नेपाल र चीन सहमत भएको संयुक्त बक्तब्यमा उल्लेख छ ।

उक्त आयोजनाले नेपाल-चीन सम्पर्कमा नयाँ आयाम थप्ने दुवै मुलुकले विश्वास लिएको संयुक्त बक्तब्यमा उल्लेख छ । त्यस्तै काठमाडौंको चक्रपथको दोस्रो चरणको विस्तारलाई पनि छिट्टै कार्यान्वयनमा लैजाने संयुक्त वक्तव्यमा उल्लेख छ ।

त्यस्तै जिलोङ-केरुङ-काठमाडौं सीमापार रेलमार्गको सम्भाव्यता अध्ययनमा भएको प्रगतिमा पनि दुवै मुलुक सन्तुष्ट रहेको वक्तब्यमा जनाइएको छ ।

चीनले नेपाललाई रेल सञ्चालनका लागि चाहिने आवश्यक जनशक्तिलाई तालिम दिन तयार रहेको पनि वक्तव्यमा जनाइएको छ ।