काठमाडौं । क्रिकेटर सन्दीप लामिछाने एसियाली खेलकुद (एसियाड) का लागि चीनतर्फ लागेका छन् ।

चीनको हाङजाओमा हुने एसियाडका लागि नेपाली टोली चीन गएपनि सन्दीप आफू मानसिक रुपमा तयार नभएको भन्दै जान मानेका थिएनन् ।

उनी नेपाल क्रिकेट संघ (क्यान) का अध्यक्ष चतुरबहादुर चन्द र पूर्वकप्तासमेत रहेका सचिव पारस खड्कासँगको छलफलपछि खेल्न तयार भएका हुन् ।

घाइते भएका ललित राजवंशीको स्थानमा बोलाइएका अर्का क्रिकेटर सागर ढकालपनि सन्दीपसँगै गएका छन् ।

एसियाली खेलकुदको क्रिकेटमा नेपालले भोलि बुधबार मंगोलियासँग खेल्दै छ ।