काठमाडौं । फुटपाथका ब्यापारीलाई विकल्पविना विस्थापित गरिएको भन्दै उभिएरै विरोध प्रदर्शनमा उत्रिएका अभिन्यता ईः र काठमाडौं महानगरपालिकाबीच सहमति जुटेको छ ।

ईंसँग महानगरपालिकाको सहमति जुटेको महानगरपालिकाका प्रवक्ता नविन मानान्धरले जानकारी दिए । कुरो मिल्यो, सहमति बनेको छ, उनले मेरोन्यूजसँग भने ।

मंगलबार नै सहमतिको प्रयास गरिएपनि अन्तिममा विथोलिएको थियो । मंगलबार भएको वार्तामा चार बुँदे सहमति पत्र तयार भएको थियो । तर, अन्तिम अर्थात चौथो बुँदामा कुरा नमिल्दा वार्ता विथोलिएको थियो ।

आज फेरि भएको छलफलपछि चौथो बुँदालाई थप संशोधन गरेर सहमति जुटाइएको हो । सहमति अनुसार फुटपाथ व्यापारीको जफत गरिएको सामान पहिचान गरी फिर्ता दिने, विज्ञ टोली गठन गरी उचित स्थानको खोजी गर्ने, सातदिन भित्र तोकिएको स्थान खोजी गर्ने गरी हाललाई पसल राख्न दिने र ईः को आन्दोलन फिर्ता गर्ने सहमति भएको हो।

मंगलबार भएको सहमतिको पहिलो बुँदामा, ८ दिनदेखि राष्ट्रियसभा गृहको मुल गेटमा उभिएर प्रदर्शन गरिरहेका अभियन्ता ईः र सहभागीका अन्यको स्वास्थ्य लाभको काम गर्दै प्रदर्शन स्थगित गर्ने भनिएको थियो ।

दोस्रोमा फुटपाथ, सार्वजनिक स्थलमा व्यापार गर्ने क्रममा जफत भएका सामग्रीहरु महानगरको स्टोरमा भएसम्म यकिन गरेर सम्बन्धित धनीलाई फिर्ता गर्ने भनिएको थियो ।

तेस्रो बुँदामा, अनौपचारिक क्षेत्रमार्फत हुने व्यापारलाई व्यवस्थित गर्न व्यापार गर्ने स्थल, समय, व्यापार गर्न आवश्यक मानिने व्यक्ति यकिन गर्न र स्थान उपलब्ध गराउन सुझाव दिने गरी एउटा अध्ययन समिति बनाउने भनिएको थियो ।

समितिमा महानगरले तोकेका ३ जना, ईःका तर्फबाट दुई प्रतिनिधि, भौतिक तथा यातायात मन्त्रालयका एक प्रतिनिधि, शहरी विकास मन्त्रालय र ट्राफिक प्रहरीबाट एकरएक जना प्रतिनिधि रहने भनिएको थियो ।

काठमाडौं महानगरपालिकाका मेयर बालेनले आजै मात्र अभिन्यता ईंलाई खुलापत्र सामाकिज सन्जालमार्फत लेख्दै सहमतिमा आउन आग्रह गरेका थिए ।

उनले केपी ओली, गगन थापा लगायतले राजनीतिक बेइमानी गरिरहेको भन्दै अभिन्यता ईं लाई कसैबाट परिचालिन नभएको पनि बताएका थिए ।
बालेनले एउटा सूचनाको हक प्रयोग गरेर पत्र दिए पुग्ने ठाउँमा कठोर आन्दोलन गरेको वा संस्थागत बाटो नसमातेकोप्रति दुःख लागेको बताएका थिए ।