चितवन । भरतपुर महानगरपालिका-१७ गाजीपुर बस्ने ३० वर्षीय धिराज लामालाई अवैध लागूऔषध खैरो हिरोइन जस्तो देखिने पदार्थ करिब १ ग्रामसहित प्रहरीले पक्राउ गरेको छ ।

शुक्रवार बिहान उनलाई प्रहरीले पक्राउ गरेको हो । आफ्नै घरमा लागूऔषध बेचबिखन गर्ने गरेको भन्ने सूचना प्राप्त हुनासाथ ईलाका प्रहरी कार्यालय फुलबारीबाट खटिएको प्रहरीले लामाको घर तलासी गर्ने क्रममा उक्त पदार्थसहित फेला पारी पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको छ ।