काठमाडौं । प्रहरीले काठमाडौँ र सरुवाबाट शनिबार तीन किलो ७ सय ग्राम सुन बरामत गरेको छ । त्रिभुवन अन्तर्राष्ट्रिय विमानस्थलबाट २.७ किलो र रसुवाको स्याफ्रुबेंसीबाट तस्करीको १ किलो सुन बरामद गरेको प्रहरीले जनाएको छ ।

सुनसहित प्रहरीले एक फिलिपिनी महिला र दुई नेपालीलाई पक्राउ गरेको छ ।

प्रहरीले शुक्रबार साँझ काठमाडौं अवतरण भएको फ्लाइ दुबईको जहाजमा आएकी फिलिपिनी महिलाबाट प्रहरीले २.७ किलो सुन बरामद गरेको त्रिभुवन अन्तर्रािष्ट्रय विमानस्थल सुरक्षा कार्यालय प्रमुख डीआईजी अर्जुन चन्दले जानकारी दिए ।

आगमन कक्षमा महिलामाथि शंका लागेर चेकजाँच गर्दा भित्री वस्त्रमा लुकाएर ल्याएको सुन बरामद भएको चन्दले जानकारी दिए ।

प्रहरीले सुन र सुन ल्याउने महिलालाई त्रिभुवन विमानस्थल भन्सार कार्यालयलाई बुझाएको छ । सुन कहाँबाट ल्याइएको थियो र कहाँ लगिदैछ भन्ने विषय खुलेको छैन ।

त्यस्तै प्रहरीको केन्द्रीय अनुसन्धान ब्युरो (सीआईबी) काठमाडौंबाट खटिएको टोलीले ले शनिबार बेलुकी रसुवाको स्याफ्रुबेंसीस्थित वेत्रावती पुलबाट एक किलो सुनसहित दुई जनालाई पक्राउ गरेको छ ।

१ किलो सुनलाई चार टुक्रा बनाएर ल्याएको अवस्थामा रसुवा गत्लाङका दावा साङ्बो तामाङ र आमा छोदिङ्मोका विशाल तामाङलाई पक्राउ गरिएको सिआईबी प्रमुख एआईजीपी किरण बज्राचार्यले जानकारी दिइन् ।

उनीहरुले सुन मोटरसाइकलमा लुकाएर ल्याउँदै गरेको अवस्थामा बरामद भएको हो ।