काठमाडौँ । यौन दुर्व्यवहारको आरोप लागेका नेपाल प्रहरीका प्रहरी वरिष्ठ उपरीक्षक (एसएसपी) योगबहादुर पालले राजीनामा दिएका छन् । एसएसपी पालले राजीनामा दिएको प्रहरी प्रवक्ता (डीआईजी) कुवेर कडायतले पुष्टिी गरेका छन् ।

उनको राजीनामा स्वीकृतका लागि प्रहरीले गृहमनत्रालय पठाएको छ ।

डीआईजी कडायतले भने– ‘पालले राजीनामा दिनुभएको छ, राजीनामा स्वीकृतिका लागि गृह मन्त्रालयमा पठाइएको छ ।’

सुदूरपश्चिम प्र्देश कार्यालयमा रहँदा एसएसपी पालले सहकर्मी महिलामाथी दुर्व्यवहार गरेको भन्दै एकजना उजुरी परेको थियो । महिला सहायक हवलदारले १९ जेठमा उजुरी गरेकी थिइन् । त्यसबारे डीआईजी सुरेन्द्र मैनाली नेतृत्वको छानबिन समितिले पाललाई बर्खास्त गर्न सिफारिस गरेको छ । छानबिनका लागी गृह मन्त्रालयले उनलाई निलम्बन गर्ने निर्णय गरेको थियो ।