काठमाडौँ । एक दिवसीय वल्डकप क्रिकेटको ५ औँ खेलमा भारतले अस्ट्रेलियालाई सस्तैमा समेटेको छ ।

अस्ट्रेलियाले भारतलाई जम्मा दुई सय रनको लक्ष्य दिएको छ ।

टस जितेर पहिले ब्याटिङ रोजेको अस्ट्रेलिया ४९ ओभर ३ बलमा १९९ रन बनाएर अल आउट भयो ।

अस्ट्रेलियाका लागि सबैभन्दा बढी रन स्टेभेन स्मितले ४६ रन बनाए । त्यस्तै डेभिड वार्नरले ४१, मिचेल स्टार्कले २८ र मार्नुस लुभुस्चनेले २७ बाहेक अन्यले उल्लेख्य रनको योगदान दिन सकेनन् ।

अस्ट्रेलियालाई सस्तैमा समेट्ने क्रममा भारतीय बलरहरू रविन्द्र जडेजाले ३, कुलदिप यादव र जसप्रित बुमराहले दुई, दुई विकेट लिए ।