काठमाडौं । दसैँका लागि अग्रिम टिकट बुकिङ आज (सोमबार) देखि खुला भएको छ ।

भौतिक पूर्वाधार तथा यातायात मन्त्रालयले गत शुक्रबार भएको सहमति अनुसार आजदेखि अग्रिम टिकट बुकिङ खुला भएको जानकारी दिएको हो ।

हरेक वर्ष दसैं, तिहार र छड पर्वका अवसरमा काठमाडौंबाट लाखौं यात्रु बाहिरिने गरेका छन् ।

विगतका वर्षमा दसैँ सुरु हुनुभन्दा झण्डै एक महिना अगाडि नै लामो तथा मध्यम दूरीमा जाने सार्वजनिक सवारी साधनको अग्रिम टिकट बुकिङ खुलाउने गरिएको थियो । तर यसपटक भने निरन्तर वर्षाका कारण बाटो बिग्रिएका कारण दसैँका लागि अग्रिम टिकट बुकिङ खुलाउन ढिलाइ भएकाे बताइएकाे छ ।

यसवर्ष दसैँको लागि भाडा वृद्धि नगरी पुरानै भाडामा टिकट बिक्री गर्न यातायात व्यवसायी सहमत भएका छन् । दसैँको अवधिमा काठमाडौं उपत्यकाबाट करिब २० लाखसम्म यात्रु बाहिरिने अनुमान छ ।