काठमाडौं । जारी आइसीसी क्रिकेट विश्वकपमा भारतले विजयी शुरुवात गरेको छ ।

क्रिकेट विश्वकपको पहिलो खेलमा भारतले अस्ट्रेलियालाई ६ विकेटले पराजित गरेको हो ।

अस्ट्रेलियाले दिएको २०० रनको लक्ष्य पछाएको भारतले ४२ ओभरमा ४ विकेट गुमाउदै लक्ष्य पुरा गर्यो ।

भारतका लागि कोहली र राहुलबीच १६५ रनको साझेदारी गरे। विराट कोहलीले ८५ रन बनाए भने केएल राहुलले अविजित ९७ रन बनाएका थिए । त्यस्तै हार्दिक पाण्डेयले अविजित ११ रन बनाएका थिए । यसअघि भारतका इशान किसन, कप्तान रोहित शर्मा र श्रेयस अय्यर कुनै रन बनाएर आउट भएका थिए ।

टस जितेर पहिला ब्याटिंग गरेको अस्ट्रेलियाले ४९.३ ओभरमा अल आउट हुँदै १९९ रन मात्र बनाएको थियो ।

योजितसँगै भारतले महत्वपूर्ण २ अंक हासिल गरेको छ । अब विश्वकपमा भारतले अर्को खेल अक्टोबर ११ मा अफगानिस्तानसँग खेल्ने तालिका रहेको छ । त्यस्तै अस्ट्रेलियाले अक्टोबर १२ मा दक्षिण अफ्रिकाविरुद्ध खेल्ने छ ।