एजेन्सी । विश्वकप छनोट अन्तर्गत अर्जेन्टिनाले जित निकालेको छ । नेपाली समयानुसार आज बिहान भएको खेलमा अर्जेन्टिनाले पाराग्वेलाई १–० गोलले पराजित गरेको हो ।

अर्जेन्टिनाका लागि एकमात्र निर्णायक गोल निकोलास ओतामेन्डीले गरे । उनले खेलको तेस्रो मिनेटमा नै गोल गर्दै अर्जेन्टिनालाई सुरुवाती अग्रता दिलाएका थिए । तर, त्यसपछि दुबै टिमबाट गोल हुन सकेन ।

साविक विजेता अर्जेन्टिनाको विश्वकप छनोटमा यो लगातार तेस्रो जित हो । टोली ३ खेलमा ९ अंकका साथ तालिकाको शीर्षस्थानमा छ । पाराग्वे १ अंकका साथ नवौं स्थानमा छ ।