काठमाडौँ । भारतमा भइरहेको एक दिवसीय विश्वकपको १४ औँ खेलमा श्रीलंकाले अस्ट्रेलियालाई २१० रनको लक्ष्य दिएको छ । लखनउमा भएको खेलमा टस जितेर पहिला ब्याटिङ गरेको श्रीलंकाले ४३ ओभर ३ बलमा २०९ रन बनाएर अल आउट भयो ।

श्रीलंकाका लागि दुई ओपनर ब्याट्सम्यानले अर्धशतकीय योगदान दिए । ओपनरद्वय पाथुम निशंका र कुशल परेराले अर्धशतकीय पारी खेले ।

निशंकाले ६७ बलमा ६१ रन बनाए भने परेराले ८२ बलमा ७८ रन बनाए । अन्य ब्याट्सम्यानहरू चरिथ अशलंकाले २५ रन बनाउनुबाहेक उल्लेख्य योगदान दिन नसक्दा श्रीलंका सस्तैमा समेटियो ।

अस्ट्रेलियाका लागि बलरहरू आदम जाम्पाले ४, मिचेल स्टार्क र कप्तान प्याट कमिन्सले २, २ र ग्लेन म्याक्सबेलले १ रनको योगदान दिए ।