काठमाडौं । संयुक्त राष्ट्रसंघले गाजामा भइरहेको इजरायली सेना र प्यालेस्टाइनको हमास समूह बिच हमलाप्रति निन्दा गरेको छ ।

राष्ट्रसंघका प्रमुख एन्टोनियो गुटेरेसले यी दुई समूह बिच चर्किएको द्वन्द्वले अन्तर्राष्ट्रिय कानुनको उल्लंघन भएको पनि बताएका छन् । उनले गाजा क्षेत्रमा बिना सर्त दुवै पक्षले तत्काल युद्धविरामको घोषणा गर्नुपर्ने बताए ।

इजरायली अधिकारीहरूले महासचिव गुटेरेसको यस सम्बोधन प्रति आपत्ति जनाउँदै उनले राजिनामा दिनुपर्ने बताएका छन् । इजरायलले उनको भाषणलाई ‘अपमानजनक’ भनेको छ ।

गाजामा इजरायली आक्रमणमा हालसम्म कम्तीमा ५ हजार बढी प्यालेस्टाइनीको ज्यान गइसकेको छ । त्यहाँ आक्रमण र बम विष्फोट गर्ने कार्य जारी छ ।

त्यस्तै हमासले गरेको आक्रमणमा इजरायलमा १४ सयभन्दा बढीको ज्यान गएको छ ।