बारा । बाराको कलैयास्थित बाल एकता बोर्डिङ स्कुलका प्रिन्सिपल गुड्‍डु भनिने रुपेश सर्राफमाथि सोमबार दिउँसो अज्ञात समूहले गोली प्रहार गरेको छ ।

कलैया उपमहानगरको मुख्यबजारमै सर्राफलाई करिब १ बजे मोटर साइकलमा आएका दुई जना अज्ञात व्यक्तिले तीन राउण्ड गोली हानेको प्रहरीले जनाएको छ ।

गोली लागेर घाइते भएका सर्राफलाई कलैया प्रादेशिक अस्पताल लगिएको थियो । त्यहाँ उपचार हुन नसकेपछि अहिले बीरगञ्जस्थित वयोधा अस्पतालमा लगिएको प्रहरीले जनाएको छ ।