काठमाडौँ । गोरखाको पर्यटकीय क्षेत्र चुम उपत्यकालाई चिनाउने ‘हाम्रो चुमभ्याली’ गीतको भिडियो सार्वजनिक भएको छ । उक्त गीतको भिडियो मार्फत चुमभ्याली क्षेत्रको महत्वको बारेमा भिडियो सार्वजनिक गरिएको हो ।

म्युजिक भिडियो अभियान समितिले निर्माण गरेको ‘हाम्रो चुमभ्याली’ को म्युजिक भिडियोमा छाङ चुम्पा लामाको शव्द, संगीतकार राजु थापाको संगीत र गायक राजु लामा र गायिका छिरिङ ल्हामो चुम्पाको स्वरमा रहेको छ ।

सेराप ग्याल्जेन लामा र जोनिशा गुरुङको अभिनय रहेको उक्त भिडियोको परिकल्पनाकारका रूपमा छाङ चुम्बा लामाले रहनु भएको छ । गीतमा लबसन गुरुङको निर्देशन रहेको छ भने, अमृतमान गुरुङको कोरियोग्राफी रहेको छ ।

चुम उपत्यकाको पर्यटन प्रवद्र्धन गर्ने उद्देश्यले निर्माण गरिएको सो म्युजिक भिडियोका लागि चुमनुब्री गाउँपालिकाको मुख्य सहयोग र पर्यटन बोर्डले प्रवद्र्धन गरेको छ ।