काठमाडौँ । जनमत पार्टीका अध्यक्ष डा. सिके राउतले नेपालको संघीय संसद् भन्दा मुख्य तीन दल(नेपाली कांग्रेस, नेकपा एमाले र नेकपा माओवादी केन्द्र)का शीर्ष नेता सार्वभौम रहेको भन्दै व्यङ्ग्य गरेका छन् ।

बिहीबार बसेको प्रतिनिधि सभा बैठकमा बोल्दै डा. राउतले भने, ‘संसद्मा सांसदले बोलेका कुनै कुरा कार्यान्वयन हुँदैनन् । यहाँ त संसद भन्दा तीन नेता शक्तिशाली छन्, सार्वभौम छन् । यसले लोकतन्त्रमाथि प्रश्न उठाउने स्थान पैदा भएका छन् ।’

उनले नेपाल टाइटनिक जस्तै डुब्न लागेको बताए । त्यो कसैले गर्दा नभइ सत्ता सञ्चालकहरूले गर्दा मुलुक डुब्न लागेको उनको भनाइ थियो ।

आफू लोकतन्त्रका लागि आवाज उठाएको व्यक्ति भए पनि अहिले सत्तामा पुगेर काम नगर्नेहरूको कारण नचाहेर पनि लोकतन्त्रप्रति वितृष्णा जाग्ने अवस्था आएको भन्न विवस भएको बताए ।