काठमाडौं । नेपाली क्रिकेट टिमका अलराउन्डर दीपेन्द्रसिंह ऐरीले आईसीसी टी-२० विश्वकप एसिया क्षेत्र छनोटअन्तर्गत यूएईविरुद्धको सेमिफाइनल खेल्ने भएका छन्।

नेपाली टिममा आज एक परिवर्तन गरिएको हाे। सन्दिप जोराको स्थानमा दीपेन्द्र सिंह ऐरीलाई प्लेइङ ११ मा राखिएको छ ।

पहिलो खेलमा सिंगापुरसँग प्लेइङ ११ मा रहेपनि खेलअघि वार्मअपका क्रममा घाइते भएपछि दीपेन्द्रले समूह चरणको तीनवटै खेल गुमाएका थिए ।

सेमिफाइनल खेल मुलपानी क्रिकेट मैदानमा केहीबेरमा सुरु हुँदैछ । यूएईले टस जितेर पहिले ब्याटिङ रोजेपछि नेपाल पहिला बलिङ गर्दै छ ।