काठमाडौं । भारतका प्रधानमन्त्री नरेन्द्र मोदीले नेपालमा गएको भूकम्पको क्षतिप्रति दुस्ख व्यक्त गरेका छन् ।

शनिबार बिहान एक ट्विट लेख्दै प्रधानमन्त्री मोदीले नेपाली जनताको दु:खको बेला भारत साथमा रहेको बताउँदै सम्भव सबै सहयोग गर्न तयार रहेको बताएका छन् ।

उनले मृतकप्रति श्रद्धाञ्जली अर्पण गर्दै घाइतेहरुको शीघ्र स्वास्थ्य लाभको कामना गरेका छन् ।

गए राति जाजरकोट केन्द्रविन्दु बनाएर ६ दशमलव ४ म्याग्निच्युडको भूकम्प गएको थियो । भूकम्पमा परी हालसम्म एक सयभन्दा बढीको ज्यान गएको छ भने सयौँको सङ्ख्यामा घाइते भएका छन् ।