काठमाडौं । सार्वजनिक खरिद अनुगमन कार्यालयले २२ वटा निर्माण व्यवसायी र आपूर्तिकर्ता कम्पनीलाई सार्वजनिक खरिद अनुगमन कार्यालयले स्पष्टीकरण सोधेको छ ।

विभिन्न सार्वजनिक निकायअन्तर्गत कार्यान्वयनमा रहेका ठेक्का सम्झौताअनुसार काम नगर्ने २२ कम्पनीलाई कार्यालयले सात दिने स्पष्टीकरण सोधेको हाे ।

‘यी निर्माण व्यवसायी तथा आपूर्तिकर्तालाई कालोसूचीमा राख्न विभिन्न सार्वजनिक निकायबाट लेखी आएकाले कालोसूचीमा राख्न नपर्ने आधार वा प्रमाण भए सूचना प्राप्त भएको मितिले ३० दिनभित्र स्पष्टीकरण पेस गर्नु भनी निजहरुको ठेगानामा सूचना पठाइएको थियो । तर हालसम्म पनि लिखित स्पष्टीकरण पेस हुन नआएकाले थप सात दिनको समय दिइएको छ”, खरिद अनुगमन कार्यालयले प्रकाशित गरेको सूचनामा भनिएको छ ।

सूचना प्रकाशित भएको सात दिन भित्र लिखित स्पष्टीकरण पेस नगरे ती कम्पनीलाई कालोसूचीमा राखिने पनि कार्यालयले जनाएको छ ।