बैतडी । बैतडीमा एक किशोरी मृत फेला परेकी छन्। जिल्लाको मेलौली नगरपालिका-२ चमागाउँकी १६ वर्षीया बिमला चन्द आफ्नै घरको सुत्ने कोठामा बुधवार साँझ मृत फेला परेकी हुन्।

कक्षा १० मा अध्ययनरत चन्दको बुधवार साँझ सुत्ने कोठामा शव फेला परेको जिल्ला प्रहरी कार्यालय बैतडीका प्रवक्ता प्रहरी निरीक्षक योगेश खत्रीले बताए।

मृतकको शव पोष्टमार्टमका लागि प्राथमिक स्वास्थ्य केन्द्र पाटनमा राखिए सँगै घटनाको थप अनुसन्धान भइरहेको प्रहरी निरीक्षक खत्रीले बताए।