काठमाडौं । भारतका विराट कोहलीले आइसिसी विश्व कप २०२३ को पहिलो सेमिफाइनल खेलमा न्युजिल्यान्डविरुद्ध विश्व कीर्तिमानी शतक हानेका छन् । उनले १ सय ६ बलमा शतक पूरा गरेका हुन् ।

कोहलीको ओडिआइ करिअरको ५० औं शतक हो । उनी ओडिआइमा सर्वाधिक शतक हान्ने खेलाडी बनेका छन् । कोहलीले सचिन तेन्दुलकरको ४९ औं शतकको कीर्तिमान तोडेका हुन् । ओडिआईमा सचिनपछी रोहित शर्माले ३१ औ शतक हानेका छन् ।

वानखडे क्रिकेट मैदानमा टस जितेर पहिला ब्याटिङ रोजेको भारतले ४२ ओभरमा १ विके गुमाउँदै ३ सय ३ रन बनाएका छन् ।

भारतका कोहली १ सय ८ बलमा ९ चौका र १ छक्कासहित १ सय ६ रनमा खेलेका छन् । श्रेयस ऎर ५० बलमा ३ चौका र ४ छक्कासहित ६६ रनमा खेलेका छन ।

युवा ओपनर शुभमन गिल ६५ बलमा ८ चौका र ३ छक्कासहित ७९ रनमा रिटाउर्ड हर्ट भए । उनिलाई खेल्न केही गाह्रो भएपछि पेभेलियन फर्केका थिए । गिल रिटायर्ड हर्ट भएपछि ब्याटिङ गर्न आएका श्रेयसले उत्कृष्ट प्रदर्शन गरेका छन् ।

भारतलाई कप्तान रोहित शर्माले २९ बलमा ४ चौका र ४ छक्कासहित ४७ रन जोड्दै उत्कृष्ट सुरुवात दिलाएका थिए ।