काठमाडौं । विश्वकप छनोटको समूह चरणको दोस्रो खेलमा नेपालले अहिले यमनसँग प्रतिस्पर्धा गरिरहेको छ ।

काठमाडौंको दशरथ रंगशालामा जारी खेलमा नेपालले प्लेइङ ११ मा ३ परिवर्तन गरेर खेलिरहेको छ । घरेलु दर्शक र घरेलु मैदानमा बलियो मनोविज्ञानका साथ नेपाली खेलाडी यमनका विरुद्ध प्रतिस्पर्धा गरिरहेका छन् ।

घरेलु मैदानमा भएको खेल हेर्न ठूलो संख्यामा समर्थकहरु रंगशालामा पुगेका छन् ।

यसअघिको खेलमा चोटका कारण बाहिर रहेका डिफेन्डर अनन्त तामाङसँगै दिनेश हेन्जन र ऐरिक विष्टलेसुरुवाती ११ मा स्थान बनाएका छन् । मनिष डाँगी र आयुष घलान भने बेञ्चमा छन् ।

समूह चरणको पहिलो खेलमा नेपाल यूएईसँग र यमन बहराइनसँग पराजित भएका थिए ।

नेपालको प्लेइङ ११

किरण कुमार लिम्बु (कप्तान), रोहित चन्द, अनन्त तामाङ, सनिश श्रेष्ठ, आशिष चौधरी, ऐरिक विष्ट, उत्सव राई, दिनेश हेन्जन, अन्जन विष्ट, जिलेस्पी जंग कार्की र सेसेहाङ आङ्दाम्बे ।