काठमाडौं । अर्जेन्टिना र ब्राजिलका समर्थकबीच मैदानमै झडप भएको छ ।

२०२६ को विश्वकप छनोट खेल सुरु हुनु अघि दुई देशका समर्थकबीच मैदानमा नै झडप भएपछि खेल केही समय अवरुद्ध भएको छ ।

बिहान सवा ६ बजे रियो दि जेनेरियोस्थित माराकाना रङ्गशालामा सुरु हुने खेल झडपका कारण खेल आधा घण्टा अवरुद्ध भएको हो ।

दुवै टोली मैदानमा उत्रिएर राष्ट्रिय गान सकिए लगत्तै रंगशालामा फ्यानहरूबीच कुटाकुट हुँदा केही बेर तनावग्रस्त बनेको थियो ।

अवस्था केही शान्त नबनेपछि अर्जेन्टिनाका कप्तान लियोनल मेस्सी आफ्ना खेलाडीसहितड्रेसिङ रुममा गएका थिए।

अहिले खेलको पहिलो हाफ सकिएको छ । पहिलो हाफको समाप्तिमा कुनै पनि टोलीले गोल गर्न सकेका छैनन् ।

जारी छनोटमा अर्जेन्टिनाले ५ खेलबाट १२ अंक जोडेको छ । भने ब्राजिलको ७ अंक छ ।