बलिउड अभिनेता अमिताभ बच्चनले जुहुको बंगला आफ्नी छोरी श्वेता नन्दाकाे नाममा गरिदिएका छन् । अमिताभ र उनकी पत्नी जया बच्चनका नाममा रहेकाे ‘प्रतीक्षा’ नामकाे बंगला उनीहरुले उपहार स्वरुप छाेरीलाइ दिएका हुन्।

यो बंगला दुई प्लटमा बनेको छ। एक ९ हजार ५ सय ८५ स्क्वायर फिट अमिताभको नाममा र अर्को ७ हजार २५० स्क्वायर फिट श्रीमती जयाको नाममा थियो ।

जानकारीका अनुसार १६ हजार ८४० स्क्वायर फिटमा बनेको बंगला श्वेताको नाममा हस्तान्तरण गर्दा यसको मूल्य ५० करोड ६३ लाख भारु देखाइएको छ ।

अभिषेक बच्चन र ऐश्वर्या राईको विवाह पनि यहि बंगलामा भएको थियो ।

अमिताभको मुम्बईमा तीनवटा बंगला छन् । उनी आफ्नो परिवारसँग जुहूको अर्को बंगला ‘जलसा’मा बस्छन्। यस्तै उनकाे तेस्रो बंगलाको नाम जनक हो।