पाेखरा । पोखरामा गुडिरहेको बसमा आगलागी भएको छ । पोखरा २२ पुम्दीभुम्दीस्थित ठूलाडिही भन्ने ठाउँमा बसमा आगो लागेको हो । ग १ ख ९५६२ नम्बरको बसमा तार सर्ट भएर एक्कासी आगो लागेको प्रहरीले जनाएको छ ।

कास्की प्रहरीका अनुसार बसमा सवार सबै यात्रुको सकुशल उद्धार गरिसकिएको छ । बाग्लुङबाट स्याङजा वालिङको लागि छुटेको बस पोखरा आइपुगेपछि आगो लागेको हो । 

बसमा ४० जना यात्रु सवार रहेको बताइएको छ । अहिले गाडीमा लागेको आगो पूर्ण रुपमा नियन्त्रणमा आइसकेको छ । तर गाडी जलेर ठूलो क्षति भएको बताइएको छ ।