गुल्मी । नेपाली कांग्रेसका महामन्त्री गगन थापाले राजतन्त्र फर्काउन मन भए पार्टी खोलेर चुनाव लड्न पूर्वराजा ज्ञानेन्द्र शाहलाई आग्रह गरेका छन् ।

शनिबार कांग्रेस गुल्मीको सम्मेलनमा बोल्दै थापाले पूर्वराजा शाहलाई यस्तो आग्रह गरेका हुन् ।

‘राजाले पनि जुवाको खालमा गएर च्याँखे दाउ हान्ने होइन। च्याँखे दाउ नहान्नुस् महाराज, खेल्ने भए सिधै खालमा आए हुन्छ, कांग्रेस भिड्न तयार छ।’ उनले भने, ‘जाने पार्टी खोल्ने, चुनाव लड्ने, हाम्रो संविधानले दिन्छ, (बहुमत) ल्याउने संविधान बदल्ने फेर्ने (राजतन्त्र) फर्काउने, नेपाली कांग्रेस यो कुराका लागि तयार छ ।’

नेपालमा राजाहरुकै बदनियतकै कारण राजसंस्था गएको भन्दै उनले कांग्रेस कार्यकर्ता यसमा प्रष्ट हुनुपर्ने बताए ।