काठमाडौं । नेपाल सुपर लिग (एनएसएल) अन्तर्गत शनिबार भएको दोस्रो खेलमा ललितपुर सिटी एफसी विजयी भएको छ ।

उसले बुटवल लुम्बिनी एफसीलाई २-० ले पराजित गदैं जित निकालेको हो । दशरथ रंगशालामा भएको आजको खेलमा ललितपुरले जित निकालेको हो।

ललितपुरले दुबै गोल पहिलो हाफमै गरेको थियो । २६ औं मिनेटमा दिनेश हेन्जनको गोलमा अग्रता लिएको ललितपुरका लागि अनन्त तामाङले ६ मिनेटपछि नै अर्को गोल थपेर जित सुनिश्चित गरेका थिए। यो जित सँगै ललितपुरले ३ अंक जोडेको छ ।

एनएसएल अन्तर्गत नै शनिबार भएको पहिलो खेलमा पोखरा थन्डर्सले एफसी चितवनलाई १-० ले पराजित गरेको थियो ।