मोरङ । कोशी प्रदेशका प्रदेश प्रमुख पर्शुराम खापुङले लायन्स क्लबले सामाजिक क्षेत्रमा ठूलो योगदान गरेको बताएका छन्।

आज यहाँ आयोजित लायन्स क्लब विराटनगर युनाइटेडको १३औँ पदस्थापना एवं सम्मान कार्यक्रम उद्घाटन गर्दै क्लब सेवा भावनाले प्रेरित रहेको भन्दै उनले क्लबले जाजरकोट र रुकुम पश्चिमका भूकम्पपीडितलाई पु¥याएको सहयोगको प्रशंसा गरे ।

प्रदेश प्रमुख खापुङले सेवाको भावनाले समाज कल्याणमा लाग्नुभएका सम्पूर्ण पदाधिकारीलाई थप प्रेरणा मिलोस् भनी शुभकामना दिए । प्रदेश सरकारका बिना विभागीयमन्त्री कमलप्रसाद जवेगुले क्लब सेवाको आवश्यकता भएका नागरिकलाई खाद्य सामग्री, न्यानो कपडा, शैक्षिक सामग्रीलगायतका विभिन्न सहयोग प्रदान गर्ने अनुशासित संस्था भएको बताए ।

क्लबका अध्यक्ष टीका सिवाकोटी, पूर्वमन्त्री जीवन घिमिरे र जिल्ला सभापति विजयहरि शर्मालगायतले क्लबले समाजले भूकम्पपीडित, शीतलहरबाट नागरिकलाई जोगाउन, ज्येष्ठ नागरिक र विद्यार्थीलाई प्रदान गरिएको सहयोगलगायतका विषयमा चर्चा गरे ।

सो अवसरमा लायन्स युनाइटेडका नवपदाधिकारी एवं पूर्वगर्भनरलाई सम्मान गरिएको थियो ।