काठमाडौं । सुदुरपश्चिम सरकारले इजरायलमा हमासको आक्रमणमा मारिएका विद्यार्थीका परिवारलाई राहत रकम हस्तान्तरण गरेको छ।

प्रदेश सरकारले बुधबार टीकापुरमा प्रति विद्यार्थी दुई लाखका दरले सात विद्यार्थीका परिवारलाई राहत रकम हस्तान्तरण गरेको हो।

सुदुरपश्चिमका मुख्यमन्त्री कमल बहादुर शाह र नेपालका लागि इजरायलका राजदूतको उपस्थितिमा आन्तरिक मामिला तथा कानुन मन्त्री शिवराज भट्टले उक्त राहत रकम मृतक विद्यार्थीका आफन्तलाई प्रदान गरेका हुन्।

इजरायलमा हमासको आक्रमणमा मारिएका १० मध्ये ७ विद्यार्थी सुदुरपश्चिमका थिए। सुदूपश्चिम विश्वद्यालयका कृषि क्याम्पस टीकापुरमा अध्ययनरत विद्यार्थीहरु लर्न र अर्न कार्यक्रम अन्तर्गत इजरायल गएका थिए।