काठमाडौं । एसीसी–१९ एसियाकपको आज फाइनल खेल हुँदैछ।

आज घरेलु टोली यूएई र बङ्लादेश एसिया कप क्रिकेटको उपाधिका लागि खेल्दैछन्।

शुक्रबार भएको दुई सेमिफाइनल खेलमा पाकिस्तानलाई हराउँदै यूएई फाइनलमा पुगेको थियो।
खेल दुबईमा बिहान सवा ११ बजे सुरु हुनेछ।

पहिलोपटक टेस्ट राष्ट्रलाई सेमिफाइनलमा यूएईले पराजित गरेको थियो। सेमिफाइनलमा पाकिस्तान यूएईसँग ११ रनले पराजित भएको थियो।

यस्तै अर्को सेमिफाइनलमा बंगलादेशले उपाधि दाबेदार मानिएको भारतलाई चार विकेटले पराजित गरेको थियो। यू–१९ एसिया कपमा पहिलोपटक एसोसियट राष्ट्रले फाइनल खेल खेल्दैछ।