मुम्बइ । शाहरुख खानको फिल्म ‘डंकी’ आजबाट हलमा रिलिज भएको छ ।

भोलि अर्थात २२ डिसेम्बरमा सुपरस्टार प्रभासको फिल्म ‘सालार’ पनि हलमा रिलिज हुँदैछ ।

यो फिल्मको ठूलो अग्रिम बुकिङ छ, सालारले प्रि–टिकट बिक्रीमा शाहरुख खानको ‘डंकी’लाई पनि पछाडि छोडेको छ।

यस फिल्मबाट प्रभासले धेरै अपेक्षा राखेका छन् भने ट्रेलर हेरेपछि फ्यानहरु पनि उत्सुक छन् ।

भारतीय सञ्चारमाध्यमका अनुसार हालसम्म ‘सालार’ को १४ लाख ४६ हजार ७४ टिकट बिक्री भइसकेको छ । योसँगै प्रभास स्टारर फिल्मले अग्रिम बुकिङमा ३०.२८ करोड भारु कलेक्सन गरिसकेको छ । यस्तो अवस्थामा यो फिल्मले पहिलो दिन बक्स अफिसमा ५० करोडभन्दा बढी कलेक्सन गर्ने अनुमान गरिएको छ ।

‘सालार’ले अग्रिम बुकिङमा शाहरुख खानको ‘डंकी’लाई निकै पछि पारेको छ । पहिलो दिन अग्रिम बुकिङमा ‘डंकी’को कलेक्सन १३ करोडभन्दा बढी थियो ।

‘सालार’मा प्रभासका अलावा श्रुति हसन, पृथ्वीराज सुकुमारन र जगपति बाबुको पनि महत्वपूर्ण भूमिका रहेको छ ।