काठमाडौं । काठमाडौंबाट बैंकक जान लागेको नेपाल एयरलाइन्सको जहाजमा समस्या आएपछि आजको उडान स्थगित भएको छ । जहाजमा समस्या आएपछि १५२ जना यात्रु बोकेर जान लागेको जहाज फर्काइएको छ ।

दिउसो २ बजे बैंकक जान लागेको जहाज रन वे पुगेर फर्किएको थियो ।

नेपाल एयरलाइन्सका प्रवक्ता रमेश पौडेलले हाइड्रोलिकमा समस्या आएर फर्किएको बताए । उनका अनुसार सामान उपलब्ध भएमा दुई तीन घण्टामा पनि बन्न सक्छ ।  पौडेलले मर्मतको प्रयास भइरहेको र समस्या समाधान भएपछि यात्रुहरुलाई लगिने बताए ।