धनगढी । प्रतिकुल मौसमका कारण धनगढी विमानस्थलको हवाइ सेवा प्रभावित भएको छ ।

धनगढीको मौसम नखुलेको कारण बुधबार बिहान काठमाडौंबाट उडेको श्री एयरलाइन्स र बुद्ध एयरको जहाज सुर्खेत विमानस्थलमा अवतरण गरिएको हो।

श्री एयरलाइन्सको ३२१ र बुद्ध एयरलाइन्सको २५१ नम्बरको जहाज सुर्खेत विमानस्थलमा अवतरण भएको सुर्खेत नागरिक उड्डयन कार्यालयले जनाएको छ।

सुर्खेत विमानस्थलमा अवतरण गरिएका विमान अब मौसम खुलेपछि मात्र धनगढीका लागि उड्ने कार्यालयले जनाएको छ।