हरेक घरको भान्सामा प्रयोग गरिने एक महत्वपूर्ण मसला ल्वाङ हो । यो खाना पकाउँदा स्वाद बढाउन प्रयोग गरिन्छ ।

तर स्वस्थ जीवनशैलीका लागि ल्वाङको प्रयोग पनि निकै लोकप्रिय मानिन्छ । ल्वाङको पानी सेवन गरेको धेरैलाई तपाईंले देख्नु भएको होला ।

आवश्यक पोषक तत्व र भिटामिन ई, सी, फोलेट, राइबोफ्लेभिन र ओमेगा–३ फ्याटी एसिडले भरिपूर्ण ल्वाङको पानी पिउनुका फाइदा के के छन् भन्ने पनि थाहा पाउनेछौँ ।

चिसो मौसममा अधिकत्म मानिसलाई रुघाखोकी र ज्वरो आउने गर्छ त्यस बेला एक लिटर पानीमा ८–१० गोटा ल्वाङका राखेर पानी उमाल्ने । पानी मनतातो भइसकेपछि पिउने गरेमा रुघा र ज्वरो आएको मानिसलाई फाइदा पु¥याउँने काम गर्छ ।

पेटमा जुका परेको छ भने ३–४ गोटा ल्वाङ पिसेर एक चम्चा महमा मिसाउने र खाने । केही दिनसम्म यसो गरेमा समस्याबाट राहत पाउन सकिन्छ । मुखमा घाउ भएको भने दुईतीनटा ल्वाङ हल्का भुटेर मुखमा राख्ने र चुस्ने ।

टाउको दुखे ८–१० गोटा ल्वाङ पिसेर नरिवल तेलमा मिसाउने र मसाज गर्ने । यसो गर्दा टाउको दुखाइबाट राहत पाउन सकिन्छ । गर्धन दुखेको छ भने तोरीको तेलमा केही गोटा ल्वाङका पिसेर मिसाउने र गर्धनका मसाज गर्ने । दुखाइको अन्त्य हुनेछ ।

दाँत दुखेमा दुईतीनटा ल्वाङ पिसेर एक चम्चा कागतीको रसमा मिसाउने । यो मिश्रण दाँतमा घस्ने । दाँत दुखाइमा राहत पाउनुहुनेछ । पेटमा ग्यासको समस्या भए एक कप उमलिएको पानीमा दुइटा ल्वाङ पिसेर हाल्ने । पानी चिसो भएपछि पिउने । यसो गर्दा पेटमा ग्यासको समस्याबाट राहत मिल्नेछ ।

सास गन्हाउने समस्या भएमा दुईतीनटा ल्वाङसँग एउटा सुकुमेल चपाउने । यसो गर्दा सास गन्हाउने समस्याबाट मुक्ति पाइन्छ ।

कहिलेकाहीँ किराको टोकाइले पनि गम्भीर समस्या निम्त्याउन सक्छ। यसबाट बच्न शरीरको खुला भागमा ल्वाङको तेल लगाउनुहोस्। लौंगमा पाइने युजेनोल नामक रासायनिक यौगिकमा एन्टिसेप्टिक र एनेस्थेटिक गुण हुन्छ। यद्यपि, यो प्रयोग गर्नु अघि डाक्टरसँग परामर्श गर्न निश्चित हुनुहोस् किनकि युजेनोल केही मानिसहरूलाई अतिसंवेदनशील हुन सक्छ।