काठमाडौं । नेकपा माओवादी केन्द्रका उपमहासचिव जनार्दन शर्मा कतार प्रस्थान गरेका छन् ।

नेता शर्मा  Qatar Airways QR647 मार्फत १८:४५ बजे कतार प्रस्थान गरेका हुन् ।

शर्माले आजै पार्टीको स्थायी समिति बैठकमा नेताहरुको कार्यविभाजनमा असन्तुष्टी जनाएर फरक मत राखेका थिए ।

पार्टी अध्यक्ष कै जिम्मेवारीमा समेत प्रश्न उठाउदै शर्माले प्रचण्ड परिवारका सदस्यहरु नारायण दाहाल र बिना मगरको जिम्मेवारीमा लिखित फरक मत नै राखेका थिए ।

शर्माले फरक मत राखेर फायर खोलेकै दिन कतार प्रस्थान गर्नुलाई भने अर्थपूर्ण रुपमा हेरिएको छ । शर्माले आफु बागमती प्रदेशको इन्चार्ज हुन चाहेका थिए ।

तर उनी र उनि निकट सुदुरपश्चिम प्रदेशका नेता खगराज भट्टसम्मले कुनै जिम्मेवारी नपाएपछि शर्माले फरक मत पार्टीमा राखेका थिए ।

प्रधानमन्त्री समेत रहेका पार्टी अध्यक्षविरुद्ध फायर खोलेकै दिन शर्मा कतार प्रस्थान गरेपछि कतिपयले उनको भ्रमण गठबन्धन सरकारसंग समेत जोडिएको बताउन थालेका छन् ।